15

തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്ത് പ്ര​വാ​സി ലീ​ഗ​ൽ സെ​ല്ലി​ന്‍റെ നേ​തൃ​ത്വ​ത്തി​ൽ ആ​രം​ഭി​ക്കാ​നു​ദേ​ശി​ക്കു​ന്ന "പ്ര​വാ​സി സീ​നി​യ​ർ കെ​യ​ർ ഹോം' ​പ​ദ്ധ​തി​യു​ടെ ഭാ​ഗ​മാ​യി സാ​മൂ​ഹ്യ​നീ​തി വ​കു​പ്പ് ഡ​യ​റ​ക്‌ട​റു​മാ​യി പിഎൽസി പ്ര​തി​നി​ധി​ക​ൾ കൂ​ടി​ക്കാ​ഴ്ച ന​ട​ത്തി.

ഈ മാസം ഒമ്പതിന് ​ന​ട​ന്ന കൂ​ടി​ക്കാ​ഴ്ച​യി​ൽ കേ​ര​ള സ​ർ​ക്കാ​ർ സാ​മൂ​ഹ്യ​നീ​തി ഡ​യ​റ​ക്ട​ർ ​അ​രു​ൺ എ​സ്. നാ​യ​ർ ഐഎസും ​അ​ഡി​ഷ​ണ​ൽ ഡ​യ​റ​ക്ട​ർ എ​സ്. ജ​ല​ജ​യു​മാ​യും പിഎൽസി ഭാ​ര​വാ​ഹി​ക​ൾ ച​ർ​ച്ച ന​ട​ത്തി.

പ​ദ്ധ​തി​യു​ടെ വി​ശ​ദ​മാ​യ പ്രൊ​പ്പോ​സ​ൽ യോ​ഗ​ത്തി​ൽ സ​മ​ർ​പ്പി​ച്ചു. സാ​മ്പ​ത്തി​ക​മാ​യി സു​സ്ഥി​ര​മാ​യ ഒ​രു സം​യോ​ജി​ത മാ​തൃ​ക​യാ​ണ് പ​ദ്ധ​തി​ക്കാ​യി നി​ർ​ദേ​ശി​ച്ചി​രി​ക്കു​ന്ന​ത്. കേ​ര​ള​ത്തി​ൽ മ​ട​ങ്ങി​യെ​ത്തി​യ സീ​നി​യ​ർ പ്ര​വാ​സി​ക​ളു​ടെ പു​ന​ര​ധി​വാ​സം ല​ക്ഷ്യ​മി​ട്ടാ​ണ് പ്ര​വാ​സി സീ​നി​യ​ർ കെ​യ​ർ ഹോം ​വി​ഭാ​വ​നം ചെ​യ്തി​രി​ക്കു​ന്ന​ത്.

കു​ടും​ബ​ത്തി​ൽ നി​ന്നു​ള്ള ഒ​റ്റ​പ്പെ​ട​ൽ, സാ​മൂ​ഹി​ക സു​ര​ക്ഷി​ത​ത്വ​മി​ല്ലാ​യ്മ, വാ​ർ​ധ​ക്യ​സ​ഹ​ജ​മാ​യ രോ​ഗ​ങ്ങ​ൾ എ​ന്നി​വ നേ​രി​ടു​ന്ന പ്ര​വാ​സി​ക​ൾ​ക്ക് സം​ര​ക്ഷ​ണം ന​ൽ​കു​ക​യാ​ണ് ല​ക്ഷ്യം. ഭ​ക്ഷ​ണം, ചി​കി​ത്സാ​സം​വി​ധാ​ന​ങ്ങ​ൾ, വി​നോ​ദോ​പാ​ധി​ക​ൾ തു​ട​ങ്ങി അ​ടി​സ്ഥാ​ന സൗ​ക​ര്യ​ങ്ങ​ളെ​ല്ലാം കെ​യ​ർ ഹോ​മി​ൽ ഉ​ണ്ടാ​യി​രി​ക്കും.

പൈ​ല​റ്റ് പ്രോ​ജ​ക്റ്റ് ആ​യി തി​രു​വ​ന​ന്ത​പു​ര​ത്താ​ണ് ആ​ദ്യ കെ​യ​ർ ഹോം ​ആ​രം​ഭി​ക്കു​ന്ന​ത്. ഭാ​വി​യി​ൽ കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും ഇ​ത്ത​രം സ്ഥാ​പ​ന​ങ്ങ​ൾ ആ​രം​ഭി​ക്കാ​നാ​ണ് പ​ദ്ധ​തി. പ​ദ്ധ​തി സം​ബ​ന്ധി​ച്ച തു​ട​ർ​ച​ർ​ച്ച​ക​ൾ നോ​ർ​ക്ക സെ​ക്ര​ട്ട​റി​യും നോ​ർ​ക്ക ഡ​യ​റ​ക്ട​റു​മാ​യും ബ​ന്ധ​പ്പെ​ട്ട് ഉ​ട​നെ ന​ട​ത്തു​മെ​ന്ന് സാ​മൂ​ഹ്യ​നീ​തി ഡ​യ​റ​ക്ട​ർ അ​റി​യി​ച്ചു.

പ​ദ്ധ​തി​യു​ടെ സാ​ധ്യ​ത​ക​ളും ന​ട​പ്പാ​ക്ക​ൽ മാ​ർ​ഗ​ങ്ങ​ളും വി​ശ​ദ​മാ​യി ച​ർ​ച്ച ചെ​യ്യാ​ൻ നോ​ർ​ക്ക ഉ​ൾ​പ്പെ​ടെ​യു​ള്ള ബ​ന്ധ​പ്പെ​ട്ട വ​കു​പ്പു​ക​ളു​ടെ​യും സ്ഥാ​പ​ന​ങ്ങ​ളു​ടെ​യും സം​യു​ക്ത യോ​ഗം ഉ​ട​ൻ വി​ളി​ച്ചു​ചേ​ർ​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

കൂ​ടി​ക്കാ​ഴ്ച​യി​ൽ പ്ര​വാ​സി ലീ​ഗ​ൽ സെ​ല്ലി​നെ പ്ര​തി​നി​ധീ​ക​രി​ച്ച് കേ​ര​ള ചാ​പ്റ്റ​ർ ജ​ന​റ​ൽ സെ​ക്ര​ട്ട​റി അ​ഡ്വ. ആ​ർ മു​ര​ളീ​ധ​ര​ൻ, ഭ​ര​ണ​സ​മി​തി അം​ഗ​ങ്ങ​ളാ​യ അ​നി​ൽ അ​ള​കാ​പു​രി, ന​ന്ദ​ഗോ​പ​കു​മാ​ർ, നി​യാ​സ് പൂ​ജ​പ്പു​ര, പി.കെ. ഉ​മ്മ​ൻ എ​ന്നി​വ​ർ പ​ങ്കെ​ടു​ത്തു.